Жаслар партия менен бирге
Елимиз пуқараларында миллий өзликти аӊлаў, миллий мақтаныш, Ўатанға садықлық ҳәм муҳаббат туйғысын қәлиплестириў, беккемлеў ушын қолайлы шараятларды жаратыў,ел перзентлерин бир мақсет жолында бирлестириў, олардыӊ интеллектуаллық ҳәм дөретиўшилик қәбилетин арттырыў, жасларды миллий ғәрезсизлигимиз, кәдириятларымыз бенен үрп-әдет, дәстүрлеримизди қәдирлеўге, оларды көздиң қарашығындай сақлаўға үйретиў - Өзбекстан «Миллий тикланиш» демократиялық партиясының тийкарғы мақсети саналады. Бул мақсетлерге ерисиў жолында партия, оныӊ «Жаслар қанаты» тәрепинен бир қатар ўазыйпалар әмелге асырылмақта.
Партияныӊ «Жаслар қанаты» «Күшли мәмлекеттен күшли пуқаралық жәмийетине қарай» принципине, миллий ҳәмулыўма инсаныйлық қәдириятларға тийкарланған ҳалда әдалатлы пуқаралық жәмийетин қәлиплестириўге жасларды белсенди қатнасыўға шақырады.Булбағдарда халық арасында, кеӊ жәмийетшиликте партия идеялары ҳаққында үгит-нәсият жумыслары күшейтилип, жаслар менен турақлы бирге ислесип келинбекте. Өзбекстан Республикасы аймағында жасаўшы барлық миллет ўәкиллериниң тилине, үрп-әдет, дәстүрлерине, кәдириятларына ҳүрмет пенен қарап, кең жәмийетшилик итибарын әҳмийетли жәмийетлик-сиясий ҳәм социаллық-экономикалық машқалаларды табыслы шешиў жолында да жаслар менен ислесиўдиӊ орны әҳмийетли саналып, бул ислер унамлы социаллық пикирди кәлиплестирмекте.
Жаслардың руўхый сана-сезимин раўажландырып, мәнаўий иммунитетин қәлиплестириў, оларды миллий қәдириятларымызға садықлық руўхында тәрбиялаў, тыныш-татыў, абадан турмысымызды көздиң қарашығындай сақлаўға үйретиў, айдын келешегимизге исенимин арттырыў ҳәм бул исенимди беккемлеў мақсетинде Өзбекстан «Миллий тикланиш» демократиялық партиясының Қараөзек районлық Кеңеси «Жаслар қанаты» тәрепинен бир қатар жойбарлар әмелге асырылмақта. Уллы бабалар мийрасын қәдирлеў, олардың үлгили ислерин даўам еттириў, елимиздиң хәр тәреплеме гүллеп раўажланыўына мүнәсип үлес қосыўын тәмийнлеўде орынларда өткерилип атырған үгит-нәсият илажлары, жойбарларымыздыӊ әҳмийети оғада үлкен.
Өсип киятырған жас әўлад кәлбинде Ўатанға муҳаббат, садықлық туйғысын қәлиплестириў, елимизде әмелге асырылып атырған реформалардың әҳмийетин тереңнен түсиндириў мақсетиндеги өткерилип киятырғаниләжларымызжаслардыӊ руўхый сана-сезимин жоқарылатыў, олардыӊ кәлбинде ғәрезсизликти қәдирлеў ҳәм ана Ўатанға муҳаббат туйғыларын еле де беккемлеўге хызмет етеди.Әсиресе мәмлекетлик нышанлар, уллы бабаларымыз, сиясий искерлер, Ўатан тымсаллары хәр бир перзент ушын жандай әзиз, иймандай муқәддес. Оны ҳүрмет етиў, ардақлаў ҳәм онда жәмлескен терең мәнис-мазмунды аңлап, түсинип жетиў ҳәр биримиздиң инсаныйлық,ҳүжданлы ўазыйпамыз болып табылады.
Бас Нызамымыздыӊ мазмун-мәнисин түсиндириў, жасларда сиясий-ҳуқықый мәдениятты еледе асырыў бағдарындағы иләжларымыз болса, жоқары билим ҳәм тәжирийбеге ийе белсенди, елимиздиң ертеңи саналғанжаслардыӊ ҳуқықый ҳәм сиясий басламаларын қоллап-куўатлаўға, және пикир алмасып, тәжрийбесин беккемлеўине ийтермелейди. Жоқары потенциалға ийе, жаӊалыққа жаны қумар, талапшаӊ жаслардың өз билимлерин еледе жетилистириўи, қәбилетлерин жүзеге шығарыўы ушын имканиятлар жаратыў, сондай-ақ жаслар арасында ҳуқықый билимлерди үгит-нәсиятлаў ҳәм бул бағдардағы нызамшылық тийкарлары ҳаққындағытүсиниклерин байытыўда да үлкен әхмийетке ийе.
Партияныӊ сайлаўалды Платформасында атап өтилгениндей, Өзбекстан бай тарийхқа ҳәм әжайып мәдений-тарийхый мийрасқа ийе. Булардыӊ ҳәммеси мәмлекетимиздиң үлкен потенциалы-ҳәзирги күнге шекем иске салынбаған туризм индустриясын раўажландырыў ҳәм елимизди жәҳән туризм орайларыныӊ бирине айландырыў имканын береди. Президентимиз Ш.М.Мирзиёев республикамызға сапары даўамында мине усы мәселеге де айрықша тоқтап, Қарақалпақстанда туризмди раўажландырыў зәрүрлиги, буныӊ ушын аймақта үлкен имканиятлардың бар екенлигин мысаллар менен айтып өткен еди. Ҳакыйқатында да, елимиз өзиниӊ әжайып тәбияты, бай мәдений мийрас объектлери, тарийхый естеликлери менен экономиканың әҳмийетли тармақларының бири болған туризмди раўажландырыў ушын қолай шараятларға ийе. “Тарийхтан саза бериўши абат аймақлар!, “Журтым тарийхын үйренемен!”, “Азат журттың абат аймағы”сүренлери астында өткерилип киятырған жаслар акциясы, елимиздеги тарийхый орынларға,әййемги қалалар менен археологиялық естеликлерди үйрениў, абаданласыўына итибар қаратыўда жасларды тартыўға себеп болды.Бундай иләжлармәнаўиятымызды жоқарылатыўда миллий үрп-әдетлеримиз, кәдириятларымыз ҳәмде олардың тийкарында жәмлескен меҳир-мириўбет, инсанды улығлаў, тыныш-татыў турмыс, дослықты ҳәм тынышлықты қәдирлеў, түрли машқалаларды биргеликте шешиў сыяқлы ибратлы қәдириятларды кеннен ең жайдырыўға хызмет етеди. Жасларға тарийхтан дерек берип, ата-бабаларымыздыӊ өтмиши ҳаққындағы түсиниклери менен көз-қарасларын жәнеде байытыўға тийкар болады.
Жаслар – бизиң келешегимиз. Партиямыз жаслар мәселесине айрықша итибар қаратып, мәмлекетимизде жаслар сиясатына турақлы итибар қаратады. Бул бағдарда партиямыздыӊ сайлаўалды режелеринде бир қанша мақсетли усыныслар берилип, ҳәзирги күнде басламаларымыз қолға алынбақта. Билимлендириў тараўында тәрбия пәниниӊ әҳмийетин кеӊ талықлап, тәлим менен бирге тәрбияныӊ қоса алып барылыўы ҳаққындағы усынысы әмелде өз көринисин тапты.“Жаслар – Өзбекстанныӊ келешеги!”, ”Жаслар-мәмлекетимиз таянышы ҳәм сүйениши”, “Китаптыӊ жаслар мәнаўиятын қәлиплестириўдеги орны ҳәм әҳмийети”, “Глобалласыў процессинде интернет,ғалабалық мәденияттыңжаслар санасына унамсыз тәсири” ҳәм басқада атамаларда бир қатар иләжлар шөлкемлестирилмекте. Бул илажлардыӊмақсети жәмийеттиӊ тийкарғы буўыны есапланған жаслардыӊ мәмлекеттеги социаллық-сиясий процеслердеги белсендилик пенен қатнасын ҳәр тәреплеме қоллап-куўатлаў, жаслардың медициналық, ҳуқықый, социаллық, мәдений мәплерин қорғаў, билимлерин байытыў, жәмийетте саламат турмысты қәлиплестириў, миллий мәлимлеме қәўипсизлигин тәмийнлеў, миллий тиклениў идеясын, ата-бабаларымыздың бийбаҳа бай руўхый мийрасын, миллий қәдириятларымыз, үрп-әдет ҳәм дәстүрлеримизди кеңнен үгит-нәсиятлаў арқалы жасларда мәнаўий иммунитетти қәлиплестириў, “Ғалабалық мәденият”тың унамсыз ақыбетлеринен жасларды қорғаў, олардың санасында Ўатанға муҳаббат, елге садықлық, тарийх ҳәм бабалар естелигине ҳүрмет туйғысын қәлиплестириў, халық арасында тәрбиялық әҳмийетке ийе үгит-нәсият жумысларынкүшейтиў, жаслар арасында шөлкемлестириўшилик қәбилетти, белсендиликти қоллап-куўатлаў болып табылады.
Партияныӊ “Жаслар қанаты” ҳәм басқа бирге ислесиўши шөлкемлер менен биргеликтежасларды кәсипке бағдарлаў, олардыӊ бәнтлигин тәмийинлеў, нызамсыз миграцияныӊ унамсыз ақыбетлерин түсиндириў, жаслар арасында өнерментшиликти раўажландырыў, олардыӊ басламаларын қоллап-қуўатлаўға ҳәмжақыннан жәрдем бериўге айрықша итибар қаратып келмекте. Атап айтқанда партиямыз басламасы менен үйме-үй жойбары тийкарында жаслардың мүрәжәтлери үйренилип, депутатлар ҳәм тийисли шөлкемлер менен биргеликте унамлы шешим таппақта. “Депутат пенен жүзбе-жүз” атамасындағы иләжларда Өзбекстан Республикасы Олий Мажлис Нызамшылық палатасы, Қарақалпақсатн Республикасы Жоқарғы Кеңеси, районлық Кеңес депутатлары менен бирге орынларда жәмлеспеген жаслар, жумыссыз ҳаял-қызлар менен ушырасыўларда тийкарынан бәнтликти тәмийинлеўге итибар қаратылып, кәсип-өнерге бағдарлаў, кредитлер ажыратыў мәселесинде усыныслар берилип келинбекте. Жаслардың бос ўақытларын мазмунлы шөлкемлестириў, оларға кәсип-өнер үйретиў мақсетинде “Хызмет-бийминнет” жойбары тийкарында исбилерменлик субъектлери, тәжрийбели оқытыўшылар менен биргеликте бийпул билим бериў жолға қойылған. Бул жойбар бойынша районда жеке исбилермен, өнермент Р.Туреева басшылығында тигиўшилик ҳәм миллий өнерментшилик оқыў курсы шөлкемлестирилип, қырықтан аслам жасқа бийпул билим берилмекте. Бул жойбар тийкарында ҳаял-қызлардыӊ үй мийнети менен дәрамат табыўына ҳәм бәнтлигин тәмийинлеўине себеп болды. Партия жанында дөретиўши жасларды қоллап-қуўатлаў ҳәм бирлестириў бойынша белсенди жаслар топары шөлкемлестирилип, бир қатар район жаслары қамтып алынды ҳәм турақлы жаслар машқалалары, изленислери ҳәм басламалары үстинде ислесилип келинбекте. Усы жылда Өзбекстан Республикасы Олий Мәжлис Нызамшылық палатасы ҳәм Сенатыжанында «Жаслар парламенти»ниӊ шөлкемлестирилиўи ҳәм биринши мәрте төменги палатада ағзалыққа партиямыздан райондағы 28-санлы мектеп жаслар жетекшиси Г.Сагатдинованыӊ сайланыўы да үлкен жетискенлик болды. Ҳәзирде район көлеминде жаслар сиясий-ҳуқықый мәдениятын асырыў, жаӊадан қабыл етилип атырылған нызамлар ҳәм ҳүкиметлик қарарларға жаслар тәрепинен усыныс таярлаў, жаслардыӊ машқала ҳәм пикирин үйрениў, әмелий шешиўде белсенди қатнасыў, район жасларыныӊ бәнтлигин үйрениў ҳәм кәсип-өнерге бағдарлаўда бирге ислесип келинбекте. Сондай-ақ жасларды туўры жолға бағдарлаў, жәмийетимизге жат иллетлердиң алдын алыў, жынаятшылық ҳәм ҳуқықбузарлықларға қарсы турыў, талантлы жаслардыӊ қәбилетин қоллап-куўатлаў бағдарындағы иләжларды әмелге асырыў да дыққаттан шетте қалып атырған жоқ.
Партиямыздыӊ “Жаслар қанаты”ҳәмийшеелимиз айдынкелешеги ушын өз ўазыйпасын инабатлы атқара береди. Өйткени қатарымызға жетик билимли, қәбилетли ҳәм зийрек жаслар бирлескен.
Қ.Жақсымуратов,
ӨзМТДП Қараөзек районлық Кеӊеси баслығы.скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно