СЕРГЕКЛИК ДӘЎИР ТАЛАБЫ
Ислам дини инсаларға ҳәмийше инсаныйлықты, жақсылықты ҳәм ийгиликли ислерге бағдарлаў менен бирге инсанның жоқары пазыйлетли болып камал табыўында хызмет етеди. Лекин, бүгинги күни ислам динин нықаб етип, инсанлардың санасына өзиниң жаман ғәрезли нийетлерин сиңдириўди гөзлеген экстремистлик шөлкемлер пайда болып, олар диний мазмундағы китапларды бурмалап атырғаны бәршемизди сергеклендиреди.
Қараөзек районы аймағында терроршылық ҳәм экстремизмниң ҳәр түрли көринисиндеги жынаятлар жүз бермегенлиги район халқының аўызбиршилиги, тынышлық сүйерлиги ҳәм ҳуқық қорғаў уйымлары, соның ишинде районлық Ишки ислер бөлими хызметкерлериниң кең жәмийетшилик пенен биргеликте алып бырылып атырған түсиндириў ҳәм үгит- нәсият жумысларының жемиси деп мақтаныш пенен айтсақ болады. Деген менен, айырым пуқараларымыздың өз жақынларына яки таныс- билислерине қалыс жақсылық ислеймен деп өзлери билмеген ҳалда жынаят яки ҳуқықбузарлық сәдир етип қойғанлығы ҳалатлары ушыраспақта. Атап атқанда усы жылдың 12- июнь күни алып барылған илажлар нәтийжесинде район турғыны Г. Я исмли пуқара көп жыллар алдын қол ушы талап ислеў мақсетинде Қазақстан Республикасына барып, өзи менен бирге жасаў мәнзилине, яғный өз үйине Өзбекстан Республикасына алып кириў қадаған етилген диний мазмундағы әдебиятларды жасырын тәризде алып келип, сақлап қойған ҳәм бул диний мазмундағы әдебиятларды өзиниң танысы район турғыны У. Б ға саўға ретинде берип жибереди. Сондай- ақ, усы жылдың 13- июнь күни район турғыны К. Ж исмли пуқара өзиниң үйиндеги, 2017- жылы жаз айларында Қазақстан Республикасынан қайтып киятырған ўақтында өзи менен бирге Қазақстан Республикасында баспадан шығарылған диний мазмундағы әдебиятларды шегарадан өзининиң кийимлери арасына жасырып алып өтип, өз үйине алып келеди ҳәм жеке өзи пайдаланды. Буннан кейин К. Ж исмли пуқара усы жылдың апрель май айларында өзиниң жақын қоңсылары А. Ш, Е. К ҳәм Ж. К ларға оқыў ушын берип турғанлығы анықланады.
Нәтийжеде 2020- жыл 29- июнь күни район турғыны пуқара Г. Я ҳәм К. Ж лардың қарсысына Өзбекстан Республикасы Ҳәкимшилик жуўапкершилик ҳаққындағы кодексиниң 184- статьясы  менен ҳәкимшилик жәрийма жазалар белгиленди.
Жоқарыда мысал менен атап көрсетилгениндей, билип- билмей ислеген ҳәр бир жынайый яки ҳуқықбузарлық ҳәрекетлери нызамда көрсетилген шара қолланыў менен белгиленеди.
Мағлыўмат ретинде айтып өтетуғын болсақ, ҳәр қандай қарақалпақ ҳәм өзбек тилинде баспадан шығарылған диний мазмундағы әдебиятлар районымыз орайында жайласєан "Идрис Имам" мешитинде бар екенлигин, бул әдебиятлар Өзбекстан Республикасында сақлаўға ҳәм пайдаланыўға рухсат етилген. Ал, ҳәр бир шет еллерден, соның ишинде Қазақстан Республикасынан келтирилген диний мазмундағы әдебиятлар болса динимизди бурмалап, өзгертип көрсетилгенлиги кепилленбеген. Соның ушын пуқараларымызды, әсиресе мәмлекетимиз келешеги болған жасларымызды абайлы болыўға ҳәм сергекликке шақырып каламан.
С. УТАМБЕТОВ,
районлық ИИБ хызметкери, капитан.
скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно