МХО: ХАЛЫҚҚА САПАЛЫ ХЫЗМЕТ КӨРСЕТИЛМЕКТЕ
Бүгинги күнде Мәмлекетлик хызметлер орайлары тәрепинен көрсетилетуғын мәмлекетлик хызметлердиң саны 140 дан асты. Бул тараўдың шөлкемлестирилгенине азғана ўақыт болған болсада, көплеген унамлы нәтийжелерге ерисилмекте.
Қараөзек районы мәмлекетлик хызметлер орайы тәрепинен бүгинги күнде пүткил дүнья жүзлик пандемия дәўиринде карантин қағыйдаларына әмел еткен ҳалда усы жылдың 9 айы даўамында орайымыз тәрепинен физикалықҳәм юридикалық шахсларға 14 711 мәмлекетлик хызметлер көрсетилди. Бул көрсеткиш район халық санының 28% қурайды.
2020- жылдың 9 айы даўамында 176 исбилерменлик субъектлери жаңадан, соннан 69 исбилерменлик субъектлери болса қайта мәмлекетлик дизимнен өткерилди. Сондай- ақ, районлық мәмлекетлик хызметлер орайы тәрепинен пуқаралардың ўақытларын тежеў ҳәмде олардың узағын жақын қылыў, соның менен бирге имканияты шекленген пуқараларға қолайлықлар жаратыў мақсетинде алыс аймақларға барған ҳалда көшпели хызметлерди әмелге асырмақта. Көшпели қабыллаўдың нәтийжесинде болса усы жыл 9 айы даўамында 1186 көшпели мәмлекетлик хызметлери көрсетилди.
Бүгинги күнде елимизде мәмлекетлик хызметлер тараўында халыққа сапалы хызмет көрсетиў ҳәм сол арқалы халқымызды разы қылыў ең баслы ўазыйпамыз сыпатында қаралып келинбекте. Өз гезегинде бул сапалы хызметлерди көрсетиў, әлбетте орайлардың заманагөй ҳәм иннавацион идеалар менен байытқан ҳалда ең соңғы техникалар менен тәмийинленген барлық қолайлықларға ийе жаңа имаратлардың қурылыўында мәмлекетимизде кең көлемли жумыслар әмелге асырылмақта.
Атап айтқанда, Қараөзек районы Мәмлекетлик хызметлер орайы жаңа имаратының қурылысы 2020- жылдың августь айында басланып, ҳәзирги күнде жедел қурылыс ислери алып барылмақта. Сондай- ақ, пуқараларға қолайлықлар жаратыў, артықша әўерегершиликлердиң алдын алыў, олардың ўақытын тежеў мақсетинде орайдың жаңа имаратына Халық қабыллаўханасы, Бас министрдиң исбилерменлер мүрәжатларын көрип шығыў қабыллаўханасы, Нотариус, әдиллик бөлими ҳәм район ПХАЖ бөлимин жайластырыў нәзерде тутылған. Бул өз гезегинде пуқаралар ушын бир жердиң өзинде бир неше жумысларының бир ўақытта питиўине ҳәм заманагөй имаратта пайдаланыў имканиятына ийе болады.
С. Баўберикова,
районлық мәмлекетлик
хызметлер орайы бас қәнигеси.
скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно