Ветеринария искерлигин лицензиялаў тәртиби
Ветеринария искерлигин лицензиялаў бойынша мәмлекетлик хызметлерди көрсетиўдиң ҳәкимшилик регламентин тастыйықлаў ҳаққындағы Өзбекстан Республикасы Министрлер Кабинетиниң 2020 жыл 23-май күнги 328-санлы қарары қабыл етилди.
Қабыл етилген қарар менен тастыйықланған ҳәкимшилик регламентке муўапық, юридикалық ҳәм физикалық шахслар көрсетилетуғын мәмлекетлик хызметтен пайдаланыў ушын тек ғана МХОна ямаса Өзбекстан Республикасы бирден-бир интерактив мәмлекетлик хызметлер порталы арқалы мүрәжат етеди.
Ветеринария искерлигин әмелге асырыў ҳуқықын бериўши лицензия шекленбеген мүддетке бериледи.
- Ветеринария искерлиги тараўындағы нызам ҳүжжетлерине ҳәм техникалық жақтан тәртипке салыўшы ҳүжжетлер талапларына әмел етиў;
- лицензиаттың (ветеринария искерлигиниң лицензияланатуғын бағдарларын, сондай-ақ, олардың бир бөлимин әмелге асырыўға лицензиясы болған юридикалық ҳәм физикалық шахс) искерликти әмелге асырыўда пуқаралардың ҳуқықлары ҳәм нызамлы мәплерине, ден-саўлығына, жәмийетлик қәўипсизлигине зыян жеткериўдиң алдын алыўға қаратылған нызам - ҳүжжетлерине әмел етиў;
- ветеринария бағдары бойынша орта-арнаўлы мағлыўматқа ҳәм юридикалық шахс атына ийе болған субъектлер штатындағы хызметкерлер ҳәмде жеке тәртиптеги исбилерменлер тек ғана ветеринария препаратлары, сондай-ақ, ветеринария мақсетлери ушын дәрилик өнимлер, азықлық қосымшалары ҳәм зоогигиена өнимлерин сатыўы;
- юридикалық шахс штатында жоқары ямаса орта арнаўлы мағлыўматқа ҳәм ветеринария тараўында арнаўлы таярлыққа ийе болған ветеринария қәнийгелериниң бар болыўы;
- жеке тәртиптеги исбилерменниң жоқары ямаса орта арнаўлы ветеринария мағлыўматына ҳәм ветеринария тараўында арнаўлы таярлыққа ийе болыўы;
- юридикалық шахс хызметкерлериниң, ветеринария искерлигин әмелге асырыўшы жеке тәртиптеги исбилерменлердиң кеминде 5 жылда бир рет тәжирийбе асырыўы;
- лицензия талапкери ямаса лицензиат ветеринария искерлигин әмелге асырыў ушын оған мүлк ҳуқықы менен ямаса басқа нызамлы тийкарда тийисли ветеринария нормалары ҳәм қағыйдаларына муўапық имаратларға ямаса ханаларға ийе болыўы;
ветеринария нормалары ҳәм қағыйдаларына әмел етиў.
Өзбекстан Республикасында рухсат берилген диагностика, профилактика ҳәм емлеў усылларын, сондай-ақ ветеринария препаратларын қоллаў ветеринария искерлигин әмелге асырыў лицензияның тийкарғы талаплары ҳәм шәртлери болып табылады.
Лицензия талапкери МХОна өзи келип мүрәжат еткен жағдайда электрон сораўнамаға жеке тәртиптеги исбилерменлер ветеринария қәнийгелиги бойынша жоқары ямаса орта арнаўлы мағлыўматы ҳаққындағы дипломынан ямаса оның көширмесинен нусқа қосымша қылынады.
Лицензия талапкери тийисли формадағы арза толтырылғаннан соң мағлыўматлардың дурыслығын тексерип, арзаны өзиниң электрон санлы имзасы менен тастыйықлайды.
Арза көрип шығылғанлығы ушын лицензия талапкериден нызам ҳүжжетлеринде белгиленген базалық есаплаў муғдарының бир есеси муғдарында жыйым өндириледи.
Лицензия бериў ямаса лицензия бериўди бийкар етиў ҳаққындағы қарар арза орай арқалы жиберилгеннен соң он күннен артық болмаған мүддетте қабыл етиледи.
Бунда ўәкилликли орган барлық зәрүр ҳүжжетлер қосымша қылынған арза келип түскен күни көрип шығыў ушын экспертке жибереди.
Эксперт бир ҳәпте мүддетте усыныс етилген ҳүжжетлерди көрип шығады ҳәм олар бойынша лицензия бериў ямаса лицензия бериўди бийкар етиў ҳаққында эксперт жуўмағын таярлайды.
Лицензиялаўшы орган үш күн мүддетте эксперт жуўмағы тийкарында лицензия бериў ямаса лицензия бериўди бийкар етиў ҳаққында қарар қабыл қылады.
И.Жеңисбаев,
Қараөзек районы МХО бас қәнийгеси.скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно