Субсидия алыӯ тәртиби
Өзбекстан Республикасы Министрлер Кабинетиниң 2020-жыл 25-март күнги «Үй-жай сатып алыў ушын пуқараларға субсидия төлеў тәртиби ҳаққында»ғы 182-санлы қарары бойынша дәраматы жоқары болмаған ҳәм үй-жай шараятларын жақсылаўға мүтәж болған пуқараларға субсидиялар бериў жолға қойылды.
Субсидия- турақ жай шараятын жақсылаўға мүтәж болған шаңарақларға, аўыр социаллық жағдайға түсип қалған ҳаял-қызларға, мәмлекеттиң социаллық турмысында белсендилик көрсетип атырған жаслар ҳәм усы категориядағы басқа 18 жасқа толған Өзбекстан пуқараларына бериледи. Егер, пуқара мийнет мигранты болып сырт елде жумыс ислеп атырған болса, оның шаңарақ ағзалары мүрәжат етсе болады.
Субсидия алатуғын пуқара арнаўлы комиссия, арза бериўшиниң жыйнаған баллына қарап анықлайды. Яғный, субсидия бериў дизимде ең көп балл алғанлардан басланады ҳәм белгиленген квота шеңберинде ажыратылады.
Субсидия алыў ушын арзалар жылдың 1-мартынан 1-октябрь күнине шекем қабыл етиледи. Пуқараларымыз енди 2021-жыл 1-мартынан баслап субсидия алыў ушын Мәмлекетлик хызметлер орайына мүрәжат етсе болады.
А.Досымбетов,
Караозек районы Мәмлекетлик
хызметлер орайы бөлим баслығы.
скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно