Ҳаял-қызлар спорты: БИРИНШИЛИКТЕ БЕЛЛЕСТИ
Өзбекстан Республикасы Конституциясы қабыл етилген сәне мүнәсибети менен Өзбекстан Қорғаныўға көмеклесиўши «Ватанпарвар» шөлкеми Қараөзек районлық оқыў спорт техника клубы басламасы менен районлық Дене тәрбия ҳәм спорт бөлими, Өзбекстан «Миллий тикланиш» демократиялық партиясы районлық кеӊеси биргеликте райондағы 28-санлы мектепте ҳаял-қызлар арасында спорт жарысы шөлкемлестирилди.
Әскерий ўатанпәрўарлықты үгит-нәсиятлаўшы шөлкем мақсет ўазыйпаларына сәйкес жаўынгерлик ҳәм аралас спорт түрлеринен шөлкемлестирилген бириншиликке «Ватанпарвар» шөлкеми ОСТК баслығы орынбасары Ф.Акимниязов, бирге ислесиўши мәкеме, шөлкемлерден ўәкиллер, мектеп оқытыўшылары қатнасты. Иләжды мектеп директоры И.Қосыбаев ашты ҳәм Өзбекстан Республикасы Президентиниӊ 2020 жыл 30-октябрь күнги «Саламат турмыс тәризин қәлиплестириў ҳәм ғалаба спортты буннан былайда раўажландырыў ис-иләжлары ҳаққында»ғы ПП-6099-санлы Пәрманы әҳмийети ҳәм ҳәр бир жәмәәтте бул бағдарда әмелге асырылыўы белгиленген иләжлар, сондай-ақ саламат турмыс тәризин үгит-нәсиятлаў бойынша атап өтти.
«Ватанпарвар» шөлкеми ОСТК баслығы орынбасары Ф.Акимниязов спорт иләжыныӊ әҳмийетин ҳәм шөлкем ўазыйпаларын түсиндирип, бас нызамымыз қабыл етилген сәне менен қутлықлады. Сондай-ақ бириншилик шәртлерин түсиндирип, қатнасыўшыларға әўмет тиледи.
Жарыс тийкарынан ҳаўа мылтығынан оқ атыў, дартс, қол тиреси ҳәм спорт шынығыўларын орынлаў шәртлери бойынша өткерилип, жуўмағында 1-орынды мектептиӊ руўхый-ағартыўшылық ислери бойынша орынбасары Г.Мамутова, 2-орынды биология пәни оқытыўшысы А.Сагатдинова, 3-орынды дене тәрбия пәни оқытыўшысы Н.Таўбаевалар ийелеп, шөлкем тәрепинен естелик саўғалары ҳәм мақтаў жарлығы менен хошаметленди. Бирге ислесиўши мәкеме, шөлкемлер менен бирге спорт иләжларын шөлкемлестириў бойынша келисип алынды.
Қ. Жақсымуратов.
скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно