ЖАӉА ЖЕТИСКЕНЛИК
Қараөзек районы жасларының ҳәр бир тараўда ерисип атырған жетискенликлери, баслама ҳәм искерликлери көзди қуўандырады. Бүгинги күнде Өзбекстан Мәмлекетлик Консерварториясында миллий музыка сырларын тереңнен меңгерип ҳәм илим жолында да дәслепки қәдемин атқан жаслардан бири Гулназ Алламбергенова «Ғәрезсиз Мәмлекетлер Дослық Аўқамының ең жас алымы-2020» халықаралық таңлаўында 14 мәмлекет жаслары арасында мәденият жөнелиси бойынша қатнасып, сыйлы 1-орынды ийеледи ҳәм арнаўлы көкирек нышаны, дәрежели диплом менен сыйлықланды.
Таңлаў аўқам мәмлекетлери жоқары оқыў орынлары студентлериарасында өткерилип, мақсет белсенди, излениўшең жасларды қоллап-қуўатлаў, илим-пән, техника раўажланыўына үлесин қосып киятырған жасларды мүнәсип сыйлықлаўдан ибарат болып, Гулназ бул таңлаўда да өзиниң илимий мийнетлерименен қатнасты ҳәм жоқары баҳа алды.
Жас ҳәм талапшаң қызымыздың усы күнге шекем ерискен жетискенликлери де талай ғана. Мәденият тараўы бойынша республикамызда жетик қәнигелер таярлаўшы Консерваторияға имтихансыз кириў бахтына миясар болған жас қәбилет ийеси бир неше республика ҳәм халықаралық таӊлаўларда жоқары жетискенликлерге ерисип келмекте. Бир ғана усы жылдың өзинде миллий мәдениятымыздың көп қырлылығын үгит-нәсиятлаўда Россия мәмлекетиниң мәденият тараўы бойынша «Летняя олимпиада» халықаралық таңлаўында 1-орын, Украинада шөлкемлестирилген «Holly music» халықаралық таңлаўында 1-орын ҳәм Ташкент қаласында өткерилген «Шарқ атиргули» балалар ҳәм жаслар халықаралық таңлаўы гран-при ийеси атанды.
Кишкенелигинен миллий музыка, саз әсбапларына жаны қумар болып өскен Гулназдың мақсети миллий мәдениятымызды еледе раўажландырыў ҳәм халықаралық көлемде ен жайдырыўдан ибарат.
Зулфия атындағы Мәмлекетлик сыйлығына ерисип, жасларға устазлық етиўди алдына мақсет еткен қәбилетли жасқа талмас ғайрат, бәлент пәрўаз тилеймен.
Қ. ЖАҚСЫМУРАТОВ.
скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно