МӘМЛЕКЕТЛИК ХЫЗМЕТЛЕР АГЕНТЛИГИ ШӨЛКЕМЛЕСТИРИЛГЕНИНЕ 3 ЖЫЛ ТОЛДЫ
Усы жылдың 12- декабрь күни Мәмлекетлик хызметлер агентлигиниң шөлкемлестирилгенлигине 3 жыл толды. Усы қысқа ўақыт аралығында Мәмлекетлик хызметлер орайлары халқымыздың шын мәнисинде исенимине айланып үлгерди.
Қараөзек районы мәмлекетлик хызметлер орайы тәрепинен бул бағдардағы көрсетилетуғын мәмлекетлик хызметлер саны 150 ден асты, соның менен бирге көплеген мәмлекетлик хызметлердиң көрип шығыў мүддетлери қысқартылып, мүрәжат етиўшилерден талап етилетуғын ҳүжжетлер саны 2 есеге қысқарды. Орай тәрепинен 3 жыл даўамында физикалық ҳәм юридикалық шахсларға жәми 21 мыңнан аслам мәмлекетлик хызметлер көрсетилди. Соннан 239 исбилерменлик субъектлери сыпатында яғный 120 юридик шахс сыпатында, 119 жеке тәртиптеги исбилерменлик субъектлери мәмлекетлик дизимнен өткерилди. Сондай-ақ, район орайынан алыс аймақларға шығыў арқалы пуқаралардың ўақытларын тежеў ҳәмде олардың узағын жақын қылыў, соның менен бирге имканияты шекленген пуқараларға қолайлықлар жаратыў, пуқараларымызға тараўға тийисли болған норматив- ҳуқықый ҳүжжетлердиң мазмун- мәнисин түсиндириў мақсетинде орайға бекитилген Дамас автотранспорты менен олардың жасап турған орынларына 3 жыл даўамында 5 мыңнан аслам көшпели мәмлекетлик хызметлер көрсетилди.
Қараөзек районы Мәмлекетлик хызметлер орайы тәрепинен Мәмлекетлик хызметлер агентлиги шөлкемлестирилгенине 3 жыл толыўы мүнәсибети көтериңки руўхта шөлкемлестирилди. Сол күни орайға мәмлекетлик хызметти алыўшы пуқараларға байрам саўғалары тапсырылды.
Пуқаралар орай тәрепинен халқымыз ушын әмелге асырылып атырған унамлы хызметлери ушын өзлериниң үлкен миннетдаршылықларын билдирди.

Сулыўхан БАЎБЕРИКОВА,
районлық Мәмлекетлик хызметлер орайы бас қәнегеси. скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно