Сайлаўлар ғалаба стратегиясын тәмийинлеў жолында

Мәмлекетимизде ҳуқықый демократиялық, ашық пуқаралық жәмийетин қәлиплестириў жолында беккем нызамшылық базасы қәлиплестирилип, инсан ҳуқықлары жоқары қәдрият сыпатында қәдирлениўи тийкарғы итибарға алынған.

Бас нызамымыз белгилеп берген принциплер тийкарында ҳәр бир шахстың ҳуқықлары толық ҳәм анық келтирилип, сайлаў ҳәм сайланыў ҳуқықы бүгинги күнде айрықша итибарға ылайық алынған болып табылады.



Усы жыл декабрь айында болып өтетуғын сайлаўлардың ҳуқықый әҳмийети жаңадан қабыл етилген ҳәм нызамшылығымызда жаңалық болған «Сайлаў кодекси»не тийкарланып әмелге асырылыўы күтилмекте.

Сайлаў мапазы басланған күннен баслап сиясий партиялар тәрепинен басқышпа- басқыш үгит- нәсият жумыслары алып барылып, партиялар тәрепинен көрсетилетуғын талабанлар, сайлаў участкаларында бақлаўшы ҳәм ҳуқықлы ўәкиллерди таярлаў, оқытыў жумыслары алып барылмақта.

Өзбекстан «Миллий тикланиш» демократиялық партиясы Қараөзек районлық кеңеси тәрепинен сайлаў мапазында бақлаўшы ҳәм ҳуқықлы ўәкиллер ушын «Сайлаўлар: ғалаба стратегиясы ҳәм тактикасы» атамасында оқыў семинары шөлкемлестирилди.

Семинарды өткериўден мақсет сайлаў нызамшылығындағы өзгерислер ҳәм жаңалықлар менен таныстырыў, әсиресе партияның сайлаў мапазында бақлаўшы ҳәм ҳуқықлы ўәкиллериниң атқаратуғын ўазыйпалары, ҳуқық ҳәм ўәкилликлери ҳаққында түсиник бериўден ибарат болды.

Арнаўлы тренерлер тәрепинен мәмлекетимизде сиясий тараўдағы жаңаланыўлар, нызамшылықтағы өзгерислер, тиккелей сайлаў бойынша кең түрде түсиник берилип, қатнасыўшылар менен пикир алысылды.

Б.Утепшиев,

район ҳәкимлигиниң баспасөз хаткери.

скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно