Өзбекстан «Адолат» СДП: есабат-сайлау конференциясы

 

 Усы жылдың 15- октябрь күни районлық 2- санлы қәнигелестирилген мәмлекетлик улыўма орта билим бериў мектебинде Өзбекстан «Адолат» СДП Қараөзек районлық Кеңесиниң VIII есабат сайлаў Конференциясы болып өтти. Оған басланғыш партия шөлкемлериниң есабат сайлаў мәжлислеринде сайланған делегатлар, партия белсендилери ҳәм ғалаба хабар қураллары ўәкиллери қатнасты.

 Конференцияда Өзбекстан “Адолат” СДП Қараөзек районлық Кеңеси баслығы А. Гулимбетов Өзбекстан “Адолат” СДП Қараөзек районлық Кеңесиниң 2015-2019- жыллардағы есабаты дәўиринде партияның “Адолат – турмысымыздың бас негизи, адолат – ҳәр бир инсан ушын” деп аталған Сайлаўалды дәстүри орынланыўын тәмийинлеў ҳаққында»ғы есабатын оқып еситтирди.

Онда есабат дәўиринде партия ағзалар санын асырыў, партия дәстүрлерин үгит- нәсият етиў, халық арасында партия позицияларын жолға қойыў, партия жумысларын және де жетилистириў бойынша бир қанша нәтийжели жумыслар әмелге асырылған ҳәм айырым кемшиликлерге де жол қойылып, баянат додалаўға қойылды. 

 Конференцияда жоқарыдағы баянаттан келип шығып, район партия шөлкеминиң 2020-2024 жыллардағы ең тийқарғы ўазыйпалар қатарына партия бағдарламаларын ҳәм позициясын орынларда көрсетиў, қорғаў ҳәм әмелге асырыў жумысларын күшейиттириў, партия ағзалар санын асырыў, жәмийет тараўларында әмелге асырылып атырған жумысларды және де жетилистириў ҳәм күшейиттириў бойынша анық ўазыйпалар белгиленип алынып, тийисли қарарлар қабыл етилди.

Буннан соң тексериў комиссия ағзасы Н. Акимова ҳәмде Халық депутатлары районлық Кеңесиндеги партия топарының баслығы М. Гулимбетовлардың есабатлары тыңланып,партияның жаңа қабыл етилип атырған Уставы ҳәм Дәстүр жойбарлары делегатлар тәрепинен қоллап- қуўатланды ҳәм конференцияда жоқары турыўшы орган партия Қаракалпақстан Республикасы Кеңесиниң есабат сайлаў конференциясына делегатлар усыныс етилип, сайлап алынды. Және де усы жылы Олий Мажлис Нызамшылык палатасы ҳәмхалық депутатлары жергиликли Кенесине болып өтетуғын депутатлық сайлаўларда талабанлар көрсетиў ўакиллигин конференция қарары менен Пленумға бериў усыныс етилди ҳәм тийисли қарар қабыл етилди.

 Соң партияның Кеңеси қурамы ҳәм партия шөлкеминиң тексериў комиссиясы қурамы қайта көрип шығылып, жаңа Кеңес, комиссия баслығы хәмде ағзалары даўыска қойылып, сайлап алынды.

 Конференция соңында партия жумысларын жанландырыўда өз үлеслерин қосып киятырған бир қатар белсендилер партияның районлық Кеңесиниң «Ҳүрмет» жарлықлары менен сыйлықланды.

А. Гулимбетов,

Өзбекстан “Адолат” СДП Қараөзек районлық

Кеңеси баслығы.

скачать dle 12.0
Сайтқа кириў
лучший сайт где можно скачать шаблоны для dle 12.0 бесплатно